ASEEES News

Monday, June 22, 2020

[Qarapalpaq Trans.] ASEEES Statement Condemning Systemic Racism and Police Brutality

Published June 22, 2020

Original statement in English

Slavyan, Arqa Evropa hám Evraaziya izertlewleri assotsiatsiyasi sistemalı rasizm hám politsiya óz basımshalıqların qaralaw haqqındaǵı bayanat.

Slavyan, Arqa Evropa hám Evraaziya izertlewleri assotsiatsiyasi orınlaw komiteti hám azshılıqlar hám inkluzivlik huqıqların qorǵaw komiteti tómendegi bayanattı usınıs etedi:

Slavyan, Arqa Evropa hám Evraaziya izertlewleri assotsiatsiyasi (ASEEES) Jorj Floyd, Ahmad Arbury, Breonne Teylor, Erik Garner, Maykl Braun, Darneshi Xarris, Tamir Rays hám basqa kóplegen adam óltiriwshiliklerin qaralaydı. Biz politsiya xızmetkerleri tárepinen mámleket boyınsha narazılıq aktsiyalarina qarsı qaratılǵan zorlıq, sonıń menen birge, AQSh húkimeti tárepinen provokaciyalıq háreketlerdi qollap-quwatlamaymız. Biz olarǵa qarata sistemalı zorlıqqa qarsı birgeliktegi gúreste afro-amerikalıq hám basqa marǵınallasǵan jámáátler menen birge háreket etemiz. Biz AQShtıń afro-amerikalıq xalqına qarata insanǵa tán bolmaǵan munasábet qullıq miyrasları hám rasizmniń qáweterli áqibeti ekenin tán alamız.

Oraylıq hám Arqa Evropa hám Evraaziya mámleketleri tariyxınan biz avtoritar rejimler tárepinen ámelge asırılǵan jawızlıq haqqında kóp zatlardı bilemiz, áskerlerdi kirgizgen hám xalıqtı jıynalıs erkinligi hám sóz erkinligi huqıqlarınan ayırıw ushın jasırın politsiya agentlerin engizgen rejimler. Bunnan tısqarı, biz usı rejimlerge mártlik penen qarsılıq kórsetetuǵın hám jámáátlik gúrestiń bir bólegi bolǵan adamlar haqqında kóp zatlardı bilemiz, bul bolsa ayrım jaǵdaylarda revolyuciyalarǵa alıp keledi. Bıraq – eń keregi-biz protestantlarǵa qarsı qollanılatuǵın zorlıqka ılayıq dep dawa etetuǵın siyasiy basshılardı jaqsı bilemiz hám avtoritarizmniń kusheytiwine alıp keletuǵın narazılıqlardı qattı bastırıw haqqında. Bul demokratiyalıq jámiyette júz bermewi kerek.

Endi, demokratiya daǵdarısı dáwirinde, biziń háreketlerimiz haqqında oylaw hám inklyuziya printsplerin qollap-quwatlaw hám úgit-násiyatlawda belsene qatnasıw, tariyxıy marǵınallasǵan gruppalarǵa tiyisli izertlewshilerdiń sociyallıq teńsizlikke itibardı qaratıwda qollap-quwatlawdı sezim etetuǵın shárt-shárayatlardı jaratıw hám biziń professional shólkemimizde hám onnan basqa da ilimiy-izertlew hám oqıtıw ıslerinde tabısqa erisiw. Biziń awqamnıń tariyxı haqqında oylaw, sistemalı teńsizlikti saplastırıw, jáne de inklyuziv bolıw hám rasa tiyisliligi yamasa finanslıq jaǵdayı, olardı jámiyetimizde ázziletetuǵın kásipleslerdi qorǵaw ushın barlıq múmkin bolǵan ilajlardı kóriw waqıtı keldi.

Biziń shólkemimiz AQSHta, demokratiyalıq mámlekette jaylasqanlıǵı sebepli, biz ádillikti qorǵaw ushın etikalıq juwapkershilikti sezinemiz. Izertlewshiler hám oqıtıwshılar retinde biz mámlekettiń socialliq ómiri haqqında pikirlew hám aktiv qatnasıwǵa umtilamiz. Biz Assotsiatsiyaning barlıq aǵzaların rasizm hám rasalıq ádillik máseleleri boyınsha tartıslarda qatnasıwǵa, universitet auditoriyalarında, jámiyetlik forumında da óz tájiriybelerin qóllawǵa shaqıramız. Ilimiy hám dóretiwshilik isler rasizm hám rasalıq zorlıqqa qarsı gúreste nátiyjeli qural bolıwı múmkin hám endi onıń waqtı keldi. Isenim menen ayta alamız, biz jasap atırǵan, úyrenetuǵın, oqıtatuǵın hám islep atirǵan, birinshi náwbette biziń professional shólkemimiz hám ulıwma islep atırǵan tarawımızdan baslap qawipsizlik, teńlik hám ádillikti támiyinlew ushın jáne de kóbirek háreket etemiz.

More ASEEES News

ASEEES News